Gipasabot ni law expert Atty. Oscar “Oca” Moreno nga gitutokan sa testimonya sa mga saksi ang pamaagi sa pag-release sa encashment sa ₱37.5 milyon nga tseke nga nakapangalan kang kanhi DepEd Special Disbursing Officer Edward Fajardo.
Gidugang ni Moreno nga importante nga matino kung kinsa ang nag-authorize sa pag-release sa pondo, nganong si Fajardo ang gihimong payee, ug unsa ang legal nga basihan sa maong transaksiyon.
Gipasabot usab ni Moreno nga kinahanglan una nga ma-establisher sa bangko ang identidad ug awtoridad ni Fajardo isip payee sa ₱37.5 milyon nga government check sa wala pa kini i-encash.
Matud sa law expert nga importante nga mapamatud-an sa LandBank officials ang identidad ni Fajardo ug ang iyang katungod sa pag-encash sa maong tseke.