Miinsistir ang prosekusyon nga walay gilapas nga Anti-Money Laundering Act o AMLA sa House Justice Committee hearing ug pag-isyu sa subpoena alang sa mga rekord sa AMLC.
Gipasabot sa prosekusyon nga kabahin sa ilang mandato isip mga miyembro sa House of Representatives ang pagdumala sa clarificatory hearing ug pagsugod sa mga impeachment case.
Gipunting usab nga ang House naglihok sulod sa mandato niini sa impeachment proceedings, samtang ang Senado maoy adunay eksklusibong gahum sa paghusay ug pagdesisyon sa impeachment cases.
Gipahayag usab sa prosekusyon ang kabalaka nga mahimong adunay chilling effect ang paghisgot sa posibleng paglapas sa AMLA, ilabi na sa mga miyembro sa media nga nagkober sa impeachment proceedings.
Samtang, giingon sa prosekusyon nga ang isyu sa confidentiality nasulbad na kaniadto ug kung adunay pagsupak niini, ang hustong dalan mao ang pagdala sa isyu ngadto sa Korte Suprema.Â
Gipasalig sa prosekusyon nga gisusi pag-ayo sa House of Representatives ang matag lakang sa Justice Committee hearing ug impeachment proceedings ug nagpabiling kombinsido nga walay gilapas nga confidentiality provision sa AMLA.