Nanawagan ang World Health Organization (WHO) sa dinaliang ceasefire sa sidlakang bahin sa Democratic Republic of the Congo aron mapugngan ang padayon nga pagkaylap sa Ebola.
Matud sa WHO, ang nagpadayon nga gubat sa maong lugar nagdala og dakong pagbalhin-balin sa mga residente ug paghu-ot sa mga evacuation camp, nga nakapasamot pa sa dali nga pagkatakod sa sakit.
Bag-ohay lang gi-deklara sa WHO isip emergency of international concern ang pag-ulbo sa Bundibugyo strain sa Ebola, usa ka klase nga wala pay aprubadong bakuna o tambal.
Base sa mga taho, padayon ang pagsaka sa kaso sa mga apektadong lugar.
Kapin 900 na ang giingong suspected cases ug sobra 200 na ang posibleng namatay sa tulo ka probinsya sa sidlakan bahin sa Congo, lakip ang North Kivu ug South Kivu nga kontrolado sa nagkalain-laing rebeldeng grupo.