Gibatikos sa Senate Minority Bloc ang giingong “pag-boycott” sa tibuok miyembro sa majority bloc sa plenary session niadtong Lunes human sa boluntaryong pagsurender ni Senador Jinggoy Estrada sa mga otoridad.
Sumala sa 11 ka miyembro sa minority nga gitawag og Solid Bloc-11 (SB-11), naghulat sila og duha ka oras sa nakatakdang 5:00 p.m. plenary session apan wala kini nasugdan tungod kay wala mitambong ang tanang miyembro sa majority bloc, lakip na si Senate President Alan Peter Cayetano.
Sa ilang joint statement, sigon, “The claim that this is about Senate independence is false, because what happened today was about the rule of law, public accountability and a lawful process before the Ombudsman and the Sandiganbayan that no senator, no bloc and no presiding officer controls.”
Gidugang pa nila:
“This is a boycott because of the arrest of Senator Jinggoy Estrada, and the public should not be asked to believe another convenient line from a leadership that has repeatedly twisted the truth.”
Sa wala pa mahitabo ang wala pagtambong sa plenaryo, kauban ni Estrada si Cayetano ug pipila ka miyembro sa majority bloc sama nila Senadora Imee Marcos, Rodante Marcoleta, Camille Villar, ug Mark Villar sa wala pa ipatuman ang pag-aresto batok kaniya tungod sa warrant gikan sa Sandiganbayan may kalabotan sa kaso nga plunder ug giingong flood control anomalies.
Mga usa ka oras ug tunga human sa nakatakdang session, nanawagan si Cayetano sa minority nga makig-uban sa majority aron ipaglaban ang kagawasan ug kasarinlan sa Senado sa tunga sa mga isyu sa liderato ug operasyon sa taas nga kapulungan.
Apan giingon sa minority bloc nga ang nahitabo dili isyu sa politika kondili sa accountability.
Giingon pa nila, “Today was a step toward accountability in a controversy that the public has long demanded action on… it is unacceptable to suddenly call the rule of law an attack on the Senate.”
Mipangutana usab sila kang Cayetano kung ang Senate President ba nagkuwestiyon sa rule of law.
Sumala pa sa minority, murag giilikayan sa liderato ang diretsong botohan sa plenaryo.
Nanawagan sila nga ablihan pag-usab ang plenaryo ug ipadayon ang trabaho sa Senado sa wala pa ang adjournment sa 20th Congress sa Hunyo 5.