Gibulgar ni Senator Jinggoy Estrada nga adunay nagtanyag kaniya ug hingpit nang talikdan ang ‘independent majority bloc’ hulip sa iyang kaso o pagkalambigit sa flood control scandal.
Sa iyang press conference kagahapon sa hapon, diin nga mingsurrender sa mga otoridad, ug gibutyag ni Estrada nga makapila ka higayon na kini gi-offeran nga talikdan ang independent majority bloc hulip sa pagkabasura sa iyang mga kaso.
Apan gi-insistar ni Estrada nga magpabilin kini sa hanay sa majority ug andam niini atubangon ang kaso aron malimpyo ang iyang pangalan.
Samtang gi-barugan usab ni Estrada nga limpyo ang iyang konsensiya taliwa sa paggawas sa warrant of arrest batok niini tungod sa kasong plunder. Samtang boluntaryong mi-surrender sa Kampo Crame ang senador, gihatagan og ginbug-aton niini nga wala siyay kalabotan sa nabulgar nga kickback scheme sa mga anomalosong public infra project sa gobyerno.
Gihusgutan usab sa senador ang record sa Senado kansa nagbutyag nga wala kini insertion sa 2025 National Budget.
Sa katapusan, gibarogan sa senador nga wala siyay kalabotan sa nabutyag nga eskandalo.
Gidala na sa New Quezon City Male Dormitory Jail ang Senador human boluntaryo kining mingsurrender. Pasado alas-8 kagahapon sa gabie Lunes, Hunyo 1 dihang ming-abot ang Senador sa Quezon City Jail sa Payatas, Quezon City.
Kahinumdumang boluntaryong mingsurrender si Estrada pila ka oras human gipagawas sa Sandiganbayan Fifth Division ang iyang warrant of arrest tungod sa kasong plunder.
Nagpahayag usab og kasubo si Senador JV Ejercito human boluntaryong misurender sa mga otoridad ang iyang igsoon nga si Senador Jinggoy Estrada kalabot sa iyang giatubang nga kasong plunder