Nagtuo si Bise Presidente Sara Duterte nga ang nag-unang target sa impeachment case batok kaniya tungod sa nanguna kini sa mga posible nga kandidato sa pagka-presidente sa 2028. Gibutyag niini nga kini usa ka pulitikal nga taktika aron siya tanggalon sa kompetisyon. Gisaysay ni Duterte nga ang administrasyong Marcos may intensiyon nga ipadayon ang ilang gahum, ug ang ilang mga lihok batok sa oposisyon usa ka timailhan niini.
Gidugang pa sa Bise nga ang resulta sa mga survey nagpakita nga siya ang frontrunner, busa posible nga tinguhaan siyang paluyahon o kuhaan og kredibilidad.Gituohan usab ni Duterte nga may kalambigitan ang pagpaaresto sa iyang amahan, si kanhi Presidente Rodrigo Duterte, sa kasong impeachment batok kaniya. Matod niini , gituohan sa administrasyon nga kung mapasanginlan ang iyang amahan, mahimong mohuyang usab ang iyang pwersa kay usa lang kini ka brand sa politika.
Bisan pa man sa mga pasangil, giingon ni Duterte nga wala pa siyay plano nga modagan pagka-presidente sa 2028. Apan iyang gipasabot nga gihatagan kini og deadline sa iyang mga supporters hangtod sa ika-upat nga quarter sa 2026 aron buhaton ang desisyon. Gitawag sa Malacañang nga usa ka “diversionary tactic” ang pamahayag ni Bise Presidente Sara Duterte nga ang iyang pagkafrontrunner sa 2028 presidential race maoy rason nganong gipang-target siya sa administrasyon.Reaksyon kini sa Palasyo human sa pamahayag ni VP Sara nga gusto ni Presidente Ferdinand Marcos Jr. nga magpabilin sa gahum busa gipaduso ang impeachment case batok kaniya.
Sumala pa ni Palace Press Officer Claire Castro nga mao kana ang gustong ipagawas nga estorya sa bise presidente.Apan matod ni Castro, tinuod nga gilihis niini ang isyu kabahin sa iyang accountability sa confidential funds ug uban pang mga reklamo nga naa sa articles of impeachment.Busa, hagit ni Castro sa bise presidente nga tubagon ang mga alegasyon ug dili magpanago sa naratibo.