Gitubag karon sa Office of the Vice President ang isyu kabahin sa pagpasaka sa Akbayan og impeachment complaint batok kang Bise-Presidente Sara Duterte.
Sa pamahayag nga gipagawas sa Bise-Presidente, miluwat kini nga wala’y basehanan nga ebidensya ang giendorso nga impeachment complaint sa Akbayan ug gikaingong nga usa lamang kini ka politikanhong lakang batok kaniya.
Matud pa niini, nagsugod kini human naghawa kini sa Gabinete tungod matud pa sa kapakyasan sa pagpasabot ni Presidente Ferdinand Marcos Jr. sa padayon nga paglala sa kapobrehon.
Gihisgutan usab ni VP Duterte, ang gikaingong “fishing expedition” kaniadtong 19th Congress, lakip na ang isyu sa “Mary Grace Piatttos”, nga matud pa napakyas sa pagpamatuod sa bisan unsa nga direkta nga paglapas sa paggamit sa confidential funds.
Gidugang pa niini, ang mga pasangil sa pagbaligya sa pirma ug mga saad sa proyekto aron iduso ang impeachment.
Gikuwestiyon usab sa Bise-Presidente, ang kredibilidad sa Akbayan, nga nagsubay sa gikaingong politikanhong mga ambisyon sa lider niini nga si Senador Risa Hontiveros kaniadtong Agosto 2024 diin miluwat kini nga dili mahimong sayon ang atubangon niini kung anaa pa sa katungdanan ang mga Duterte.
Samtang sigon ni Bise-Presidente Duterte, nga ang impeachment dili angay gamiton isip politikanhong hinagiban kondili isip usa ka proseso sa kamatuoran, hustisya, ug tulubagon.