Utot, gigamit sa pagpanambal sa usa ka pastor sa South Africa

Padayon ang pag-viral karon ni Christ Penelope , usa ka pastor sa Sevenfold Holy Spirit Ministries sa Limpopo, South Africa tungod sa iyang katingalahang paagi sa pag-ayo sa mga masakiton niyang sakop  gamit lamang ang utot.

Nasayran nga ang mga miyembro sa iyang simbahan nga magpatambal, iyang pahigdaon sa salog aron iyang mapungku-an ang ulo kon diin usahay lingkuran pa ug didto itunong ang iyang utot nga makapalayas usab matud pa sa mga daotang espiritu.

Ang uban sa iyang mga sakop, isawod pa ang utot sa pastor diha sa ilang sudlanan aron ila matud pang malanghab higayong aduna silay balatian.

Busa ang maong balita nagkaylap karon ug nahimong hisgutanan kung aduna ba gayud kini kamatuoran ug epekto sa panglawas.