Miabot og P18.13 trilyon ang utang sa Pilipinas base sa pinakaulahing datos kaniadtong katapusan sa bulan sa Enero, 2026.
Base sa datos sa Bureau of Treasury kon BTr, mitaas og 11.2 porsyento ang utang sa nasud kung itandi kaniadtong Enero 2025, nga adunay P16.31 trilyon.
Ang ginatawag nga sovereign fund mitaas sa 2.4 porsyento matag bulan.
Kini milabaw sa record-high nga P17.71 trilyon nga utang sa gobyerno nga natala kaniadtong Disyembre 2025.
Buot pasabot nga mitaas og P426.15 bilyones ang utang sa nasud sa pagtapos sa unang bulan sa 2026.
Samtang masaligon ang BTr nga ang nasangpit nga lebel gikaingong sustainable bisan pa adunay mga hagit gikan sa domestic ug global landscape.
Gikaingong wala matud pa makaabot ang maximum full-year borrowing program sa administrasyong Marcos, nga moabot og P19.06 trilyon.