Gipasabot ni kanhi Sandiganbayan Justice Amparo Cabotaje-Tang sa impeachment trial ni Vice President Sara Duterte nga ang gitawag nga “unexplained wealth” dili awtomatikong nagpasabot nga ilegal o gikan sa kawat ang gigikanan sa usa ka bahandi o kabtangan.
Sa pangutana ni Senator-Judge JV Ejercito, gitin-aw ni Cabotaje-Tang nga ubos sa Republic Act No. 1379, hatagan una og higayon ang usa ka public official nga ipasabot ang dakong kalainan tali sa iyang lawful income ug sa iyang mga kabtangan, liabilities ug net worth.
Gihisgutan usab nga mahimong masusi ang mga kabtangan nga nakapangalan sa asawa, mga anak o ubang tawo kung adunay financial trail nga konektado niini sa usa ka public official.
Mahimo usab nga gamiton ang nominee, proxy o dummy aron matago ang tinuod nga pagpanag-iya, apan kinahanglan kini mapamatud-an pinaagi sa ebidensya.