- Advertisement -
Namatay ang 16 ka tawo, kadaghanan mga tigulang, human gilamoy sa kalayo ang usa ka nursing home sa nasod sa Chile.
Subay sa taho sa mga awtoridad, paspas nga mikaylap ang kalayo sulod sa maong pasilidad diin naglisod sa paggawas ug pag-ikyas ang mga residente tungod sa kapig-ot sa kahimtang ug limitadong paglihok tungod sa ilang ka-edadon.
Nagpadayon karon ang imbestigasyon sa mga bombero ug lokal nga kapolisan sa Chile aron masuta ang hinungdan sa maong sunog, samtang gipahigayon usab ang paghatag og daling tabang medikal sa mga nakaluwas.
- Advertisement -