Gipabuthan sa U.S. Navy destroyer nga USS Spruance ang usa ka Iranian-flagged cargo ship nga “Touska” sa Gulf of Oman human kini nisuway og ikyas sa gipatuman nga naval blockade sa Amerika.
Matud pa ni Presidente Donald Trump pinaagi sa Truth Social, wala panumbalinga sa maong barko ang mga pasidaan nga mohunong, hinungdan nga gipabuthan ang engine room niini aron hingpit nga mapahunong ug makuha sa kustodiya sa U.S. Marines.
Kini nga tensyon nagsugod sa akusasyon ni Trump nga gilapas sa Iran ang ceasefire agreement human ang giingong pagpabuto niini sa Strait of Hormuz.
Isip tubag, gihingusgan sa Iran ang pagpasira sa maong ruta sa dagat alang sa mga cargo ship, dungan sa pag-akusar sa Estados Unidos nga maoy unang nagguba sa pagsalig ug kasabutan tali sa duha ka nasud.