Duha ka lalaki, sikop sa entrapment operation sa iligan city; illegal nga pagbaligya og armas nadiskubre

Sikop ang duha ka lalaki nga nagpanuigon og 43 ug 34 anyos human sa gihimong entrapment operation sa hiniusang pwersa sa kapulisan batok sa ilegal nga pagbaligya og armas sa Barangay Palao, Iligan City, niadtong milabayng adlaw ning kasamtangang tuig.

Nakuha gikan sa mga suspek ang usa ka .45 caliber pistol, mga bala, usa ka Isuzu Crosswind, ug ang marked money nga gigamit sa operasyon.

Sumala sa report, ang mga dinakpan nalambigit sa illegal nga negosyo sa armas sa tibuok Iligan ug Lanao del Norte uban sa ilang mga kaalyado niini.

Sa pagkakaron, ang mga suspek himas-rehas na sa ICPS5 samtang giandam ang kasong pagsupak sa Republic Act 10591 nga ipasaka batok kanila.