Isugyot ni Spanish Prime Minister Pedro Sánchez sa European Union (EU) karong Martes ang pagtapos sa Association Agreement tali sa EU ug Israel.
Kini tungod sa giingong mga paglapas sa Israel sa international law ug human rights taliwala sa nagpadayong giyera.
Giklaro ni Sánchez nga ang maong lakang dili batok sa mga lungsoranon sa Israel, kondili batok sa mga polisiya sa kagamhanan niini.
Nanawagan usab siya sa ubang mga nasud sa EU nga suportahan ang maong panukala aron hatagan og pressure ang Israel.
Sa pikas bahin, gibansagan ni Israeli Foreign Minister Gideon Sa’ar nga “hypocritical” o salingkapaw ang Spain.
Gihisgotan niini ang relasyon sa Spain sa mga nasud sama sa Turkey ug Venezuela isip tubag sa maong akusasyon.
Gipaabot nga mahimong sentro sa init nga diskusyon sa EU foreign ministers ang maong sugyot tungod sa nagkabahin nga baroganan sa mga miyembrong nasud.