Tulo ka indibidwal, lakip ang usa ka 18-anyos nga bag-ong giila nga drug personality, ang nasikop sa managlahing buy-bust operation sa Valencia City ug Kalilangan, Bukidnon.
Nasikop si alyas Toto sa Purok 3-A, Barangay Kahaponan, Valencia City, diin narekober ang 5.2 gramos nga gituohang shabu nga nagkantidad og ₱35,360.
Samtang duha ka lalaki nga nag-edad og 29 ug 21 anyos ang nadakpan sa Purok Uno, Barangay Central Poblacion, Kalilangan, diin nakuha ang 2.5 gramos nga gituohang shabu nga nagkantidad og ₱13,940.
Giatubang sa tulo ang kasong paglapas sa Sections 5 ug 11 sa Republic Act 9165 o Comprehensive Dangerous Drugs Act of 2002, samtang anaa na sila sa kustodiya sa tagsa-tagsa ka estasyon sa kapulisan.

