Natigayun ang usa ka panagbangga sa duha ka motorsiklo sa Purok 3, Barangay San Rafael, Talakag, Bukidnon nga miresulta sa pagka-angol sa tulo ka indibidwal ug kadaut sa duha ka sakyanan.
Ang usa sa mga nalambigit nga motorsiklo gidala sa 30-anyos nga lalaki nga residente sa Sitio Kibulag, Barangay Lantud diin ang driver wala lisensya.
Samtang ang usa gidala usab sa 30-anyos nga lalaki nga adunay backrider nga iyang asawa.
Ang driver sa maong motor wala usab lisensya ug giingong anaa sa impluwesya sa ilimnong makahubog
Tungod sa insidente, ang tulo ka biktima nakaangkon og mga samad ug gilayon gidala sa Bukidnon Provincial Hospital-Talakag pinaagi sa rescue vehicle sa Brgy. Tikalaan.
Ang duha ka motorsiklo naguba ug gidala sa Talakag MPS alang sa hustong disposisyon ug assessment sa kadaut.