Walay kasabutan kabahin sa ceasefire tali sa Ukraine ug Russia sulod sa tulo ka oras nga panagpulong ni Presidente sa Estados Unidos nga si Donald Trump ug Presidente sa Russia nga si Vladimir Putin sa Joint Base Elmendorf-Richardson sa Alaska.
Taliwala nga miluwat ang duha ka Presidente nga labing produktibo ang maong summit, apan gibutyag ni Trump, nga walay kasabutan hangtud adunay tinuod nga deal ug nagpasidaan nga magpatuman og hingit nga sanctuon sa aspeto sa ekonomiko kung magpadayon nga magdumili ni Putin sa kalinaw.
Dili usab imbitado sa panagpulong ang Presidente sa Ukraine nga si Volodymyr Zelenskyy, nga naghatag kabalaka sa mga kaalyado sa Europa.
Samtang nagpadayon ang summit, adunay gi-report nga bag-ong drone strikes sa Russia sa Ukraine nga miresulta sa pagkamatay sa pito ka sibilyan ug nakaangol og 17.
Hangtud karon, walay kasabutan ug nagpadayon ang tensyon sa rehiyon samtang naghulat ang tanan sa sunod nga lakang sa mga lider.
Nagtipok usab ang mga pro-Ukraine demonstrators sa gawas sa base, dala ang mga plakard nga nagpamatuod sa ilang suporta sa Ukraine.
Matud sa mga lider sa European Union, nagpahigayon usab sila og emergency virtual summit sa wala pa ang panagpulong aron ipakita nga dili dapat kalimtan ang Ukraine sa mga negosasyon.