Gikumpirma ni kanhi Senator Antonio Trillanes IV nga nangandam na kini isip unang saksi sa pagdungog sa House Justice Committee batok kang Vice President Sara Duterte.
Matod ni Trillanes, magpresentar kini og mga alegasyon nga naglakip sa giingong ill-gotten wealth sa Bise Presidente, kalambigitan sa pamilyang Duterte sa ilegal nga droga, ug uban pang isyu nga makahatag og basihanan sa imbestigasyon.
Gibutyag ni Trillanes nga adunay nakolektang dokumento diin lakip si Kitty Duterte, kamanghurang anak ni kanhing Presidente Rodrigo Duterte, sa mga nakadawat og dibidendo gikan sa usa ka giingong drug lord niadtong 2011 hangtod 2013.
Dugang pa niini, nga ang bayad nga moabot sa P40 to 50 million pesos kada unom ka bulan gi-release pinaagi sa tseke nga gi-convert ngadto sa manager’s check nga nakapangalan sa mga miyembro sa pamilyang Duterte, lakip ang joint account ni Kitty Duterte ug sa iyang inahan nga si Honeylet Avanceña.
Gilaumang masunod nga mga pagdungog karong Abril magpalig-on sa mga pamahayag niini ug maghatag og dugang ebidensya alang sa proseso sa House Justice Committee.