Prosekusyon, tapuson na ang impeachment trial ug gipasalig nga walay ikatulong impeachment case batok kang VP Sara

Gipasalig ni House Prosecutor Rep. Terry Ridon nga tapuson na sa prosekusyon ang pagpresentar sa ebidensiya sa impeachment trial batok kang Vice President Sara Duterte ug itugyan sa mga senator-judge ang pagdesisyon kon hukman ba o absuweltohon ang Bise Presidente.

Matud ni Ridon, dili na kinahanglan nga magpatawag pa og dugang nga mga testigo kay kompleto na ang ilang presentasyon.

Gipadayag usab niini nga dili na kinahanglan ang show-cause order batok kang Duterte kalabot sa iyang mga pahayag.

Dugang pa ni Ridon nga siguruhon sa prosekusyon nga wala nay ikatulong impeachment complaint batok sa Bise Presidente.