Gikuwestiyon sa Malaybalay City Water District ang pagpadayon sa operasyon sa Hiraya Water Corporation ubos sa kontrata sa kanhing operator nga PrimeWater, human giklaro nga verbal pa lamang ang ilang kasamtangang pagsabot ug wala pa makadawat og konkretong sinulat nga plano.
Matud ni Engr. Nolito S. Binahon, General Manager sa Malaybalay City Water District, nagpabilin ang daang kontrata tali sa water district ug PrimeWater, apan nagpadayon ang paningkamot nga makigsabot pag-usab sa bag-ong operator aron masulbad ang mga isyu sa maong kasabutan.
Aron masabtan ang kahimtang sa kasamtangang kontrata, giklaro ni Binahon nga wala pa sila makadawat og konkretong plano nga tukma sa mga gilatid nga obligasyon niini.
Gikumpirma usab ni Binahon nga verbal pa lamang ang kasamtangang pagsabot ug wala pa kini pormal nga nasulat.
Dugang pa ni Binahon, nagpabilin nga gisunod sa Hiraya ang kontrata tali sa kanhing operator ug sa Malaybalay City Water District, samtang nagpadayon ang paningkamot nga makab-ot ang bag-ong kasabutan.
Gipasabot usab ni Binahon nga lakip sa ilang paningkamot ang paghimog bag-ong kontrata aron matubag ang mga isyu nga ilang nakita sa daang kasabutan, lakip ang iyang pag-angkon nga adunay paglapas sa kontrata ug ang kakulang sa pahibalo sa mga water district atol sa pagkuha sa PrimeWater.
Subay niini, usa sa mga hagit karun sa buhatan mao ang kadako ligas sa kasamtangang budget tali sa gitagana nga P500 milyon pesos.