Top 1 most wanted sa munisipyo sa San Fernando, nadakpan sa mga otoridad

Nasikop ang Top 1 Most Wanted Person sa municipal level sa San Fernando, Bukidnon atol sa operasyon sa kapulisan kagahapong adlawa sa Purok 7, Barangay Halapitan.

Ang nadakpan giila nga si Carlito Abrahan Enggay Jr., 37 anyos, ug gidakop pinaagi sa warrant of arrest alang sa paglapas sa RA 9165 o Comprehensive Dangerous Drugs Act of 2002, ilawom sa Criminal Case No. 46596-25 nga gipetsahan niadtong Pebrero 25, 2026 diin walay kini girekomendang piyansa batok niini.

Gipahigayon ang operasyon sa San Fernando MPS, Provincial Intelligence Unit, Bukidnon PPO, Bukidnon 2nd Provincial Mobile Force Company ug 1003rd MC, RMFB-10.

Ang suspek anaa na karon sa kustodiya sa San Fernando MPS alang sa dokumentasyon ug hustong disposisyon.