Gipahibalo ni Presidente Ferdinand “Bongbong” Marcos Jr. nga mahimong libre o toll-free ang pag-agi sa bag-ong giablihan nga expressway sugod karong adlawa hangtod sa katapusan sa bulan sa Abril.
Kini nga lakang gitumong aron mahatagan og kahupayan ang mga motorista ug mga biyahero, ilabi na karong Holy Week diin gipaabot ang pagdagsa sa mga tawo nga mopauli sa ilang mga probinsya.
Gipasabot sa Presidente nga kini nga proyekto kabahin sa ilang “UPLIFT” program, diin tumong sa gobyerno nga ablihan ang dugang nga mga dalan aron mahimong mas hayahay, paspas, ug luwas ang pagbiyahe sa tibuok nasud.
Gawas sa maong dalan, gipaabot usab nga duna pay laing mga section sa expressway ang paga-abrihan sa mga mosunod nga adlaw, lakip na ang rota gikan sa Talavera ngadto sa Cabanatuan sa Central Luzon.