Tiklo sa usa ka drug buy-bust operation ang usa ka bag-ong giila nga drug personality nga nailhang si alyas “Tocs,” 38 anyos, sa Purok 7, Barangay Bizmart, Don Carlos, Bukidnon, niadtong milabayng adlaw.
Sa maong operasyon, nasakmit gikan sa suspek ang upat ka sachet sa gidudahang shabu nga motimbang og 2.20 gramos. Ang maong iligal nga droga adunay gibanabana nga kantidad o standard drug price nga ₱14,960. Nakuha usab gikan sa dinakpan ang usa ka ₱500 buy-bust money, usa ka zip lock bag, ug usa ka cellphone.
Giandam na sa kapulisan ang kasong paglapas sa Comprehensive Dangerous Drugs Act (Section 5 ug 11) batok sa suspek kinsa kasamtangang anaa sa kustodiya sa Don Carlos Municipal Police Station. Ang mga nasakmit nga ebidensya gidala na sa Bukidnon Provincial Forensic Unit alang sa qualitative ug quantitative examination.