Taas nga airfare sa mga domestic flights gitutukan sa DOT

Gikatakdang makigpulong si Department of Tourism kon  (DOT) Secretary Cristina Frasco sa nagkalain-laing ahensiya sa gobyerno aron hisgutan ug solusyonan ang problema sa taas nga pamasahe sa mga domestic travels.

Matud sa kalihim, makighisgot kini sa Department of Transportation (DOTr) aron masuta ang angay nga mga lakang aron mapakunhod ang mahal nga pamasahe.

Dugang pa niini nga importante kini aron mas mapadali ug mas mapabarato ang pagbiyahe sa mga Pilipino sulod sa nasud.

Tumong usab sa DOT nga mapalambo pa ang lokal nga turismo pinaagi sa mas accessible nga transportasyon.