Gikatakdang moatubang sa federal court karong adlawa ang suspek sa nahitabong pagpamusil atol sa tinuig nga White House Correspondents’ Dinner niadtong Sabado sa gabii.
Giila ang suspek nga si Cole Tomas Allen, usa ka 31-anyos nga magtutudlo ug computer programmer gikan sa Torrance, California. Gilauman nga pasakaan siya og mga kasong assault on a federal officer ug discharging a firearm during a crime of violence. Susiha usab sa mga awtoridad kon mahimo ba siyang pasakaan og kasong attempted assassination batok kang Presidente Donald Trump.
Sumala sa imbestigasyon sa FBI, nakit-an sa iyang hotel room ang usa ka “manifesto” diin iyang gihulagway ang iyang kaugalingon isip usa ka “Friendly Federal Assassin.” Nakita usab sa iyang mga social media accounts ang mga mensahe nga nagpakita og kasuko batok sa administrasyong Trump.
Kahinumduman nga daling gipagawas sa Secret Service si Presidente Trump ug ang Unang Ginang Melania Trump gikan sa ballroom sa Washington Hilton sa dihang nadungog ang mga buto sa armas. Usa ka miyembro sa Secret Service ang naigo sa bala apan naluwas ra tungod sa iyang bulletproof vest.