Gipangandaman na ni Atty. Manases Carpio, ang pagpasaka og mga kaso kriminal batok sa pipila ka opisyal sa Bangko Sentral ng Pilipinas (BSP), Anti-Money Laundering Council (AMLC), ug pipila ka kongresista sa Quezon City Prosecutor’s Office karong Lunes, Abril 27, 2026.
Lakip sa ireklamo niini sila BSP Governor Eli Remolona Jr., AMLC Executive Director Ronel Buenaventura, ug pipila ka mambabalaod sama nila House Committee on Justice Chair Gerville Luistro, Percival Cendaña, Chel Diokno sa Akbayan Party-list, ug Leila de Lima sa Mamamayang Liberal Party-list.
Sumala sa kampo ni Carpio, ang reklamo naggikan sa giingong paglapas sa Anti-Money Laundering Act, Bank Secrecy Law, ug Data Privacy Act tungod sa pagpagawas sa sensitibong banking records.
Kini may kalabutan sa report sa AMLC sa Kamara nga nagpakita og hapit ₱6.77 bilyon nga “suspicious” ug “covered” transactions nga giingong nalambigit kang Vice President Sara Duterte ug Carpio sulod sa hapit duha ka dekada.
Ayon sa AMLC, naglakip kini sa bilyon-bilyong salapi nga misulod ug migawas sa ilang mga account, samtang adunay pipila ka transaksyon nga lisod matino tungod sa karaan nga sistema.
Sumala ni Carpio nga ilegal ang pagpagawas sa maong impormasyon ug giingong gigamit kini isip “black propaganda” batok sa ilang pamilya ilabi na sa panahon sa impeachment ug politikal nga isyu.
Apan giisip sa pipila ka mambabalaod sama nila De Lima ug Cendaña nga sakop sa Kamara ang pag-imbestiga sa impeachment ug dili kini paglapas sa bank secrecy law, gumikan kabahin kini sa accountability process.
Gipasiugda usab sa pipila ka opisyal sa House of Representatives nga ang reklamo dili pagkontra sa tinuod nga financial records, kondili ang paagi lamang sa pagpagawas sa impormasyon ang gi-isyu nga isyu.