Gipasalig sa Department of Energy (DOE) nga nagpabiling igo ang suplay sa lana sa nasud sulod sa 50 ka adlaw, dungan sa pagpaabot sa dugang mga buffer stock karong bulana sa Abril.
Sumala sa datos sa DOE, ang kasamtangang suplay sa gasolina, diesel, ug uban pang produktong petrolyo molungtad gikan sa 47 hangtod kapin sa 100 ka adlaw, depende sa matang niini.
Matud pa ni DOE Undersecretary Sandy Sales, mokabat sa 900,000 ka bariles sa lana ang gikatakdang moabot karong bulana.
Gipasabot ni Energy Secretary Sharon Garin nga ang maong mga buffer stock gikuha ubos sa Emergency Energy Security Program, ug adunay igong panahon ang nasud sa pagdugang og suplay kon gikinahanglan.
Bisan pa man sa kasegurohan sa suplay, nagpabiling taas ang presyo sa lana sa Metro Manila ug uban pang urban areas.