Naggahin og usa ka bag-ong exhibit ang Naismith Basketball Hall of Fame alang kang Stephen Curry, nga kaylap nga giila isip “greatest shooter of all time” sa kasaysayan sa NBA.
Gipahibalo sa Naismith nga kini ang kauna-unahang higayon sa kasaysayan sa liga nga gihimoan og sarang exhibit ang usa ka active player o magduduwa nga padayon pa nga nagdula sa NBA.
Giulohan ang maong exhibit og “Stephen Curry: Beyond the Arc”, diin gipakita ang iyang panaw gikan sa pagkahimong usa ka gamay nga prospect hangtod sa pagkahimong usa sa labing bantogang atleta sa kalibotan sa basketball.
Tampok sa maong exhibit ang iyang mga nakab-ot nga dungog ug kalampusan, lakip na ang iyang tanan nga 3-point record, mga MVP award, ug ang iyang gihatag nga upat ka kampeonato gikan sa unom ka pag-atbang sa NBA Finals kauban ang Golden State Warriors.