Lalaki, gipusil sulod sa kwarto sa Valencia City

Gikaingong gisulod sa iyang kwarto ug gipusil sa wala pa mailhing suspek ang usa ka hingkod nga lalaki kagabii, Nobyembre 8, sa Purok 3, Barangay Tongan-tongan, Valencia City, Bukidnon.

Base sa inisyal nga impormasyon, residente sa maong lugar ang biktima nga padayon pang gimonitor ang kahimtang human sa pagpamusil.

Padayon pang gisuta sa kapulisan ang mga sirkumstansiya sa insidente, lakip ang pagkaila sa suspek ug ang posibleng motibo sa krimen.

Nagpadayon usab ang pagpangusisa alang sa dugang detalye kalabot sa maong pagpamusil.