Nagpabiling nalista isip stockholder ug miyembro sa Board of Directors sa Metro City Chow Foods Corporation si Vice President Sara Duterte gikan 2022 hangtod 2025, base sa corporate records sa Securities and Exchange Commission o SEC.
Sa ika-27 nga adlaw sa impeachment trial, gikumpirma ni SEC Company Registration and Monitoring Department Director Atty. Gerardo Del Rosario nga nakalista si Duterte nga tag-iya sa 500 shares ug miyembro sa board sa maong kompanya.
Matod ni Del Rosario , nga ang mga direktor sa korporasyon gipili pinaagi sa election sa mga stockholder.
Gikuwestyon usab ni Senator-Judge Raffy Tulfo kung nganong wala gi-divest ni Duterte ang iyang interes sa negosyo sa pagsugod sa iyang termino isip Bise Presidente.
Gipunting niini nga ang Article VII, Section 13 sa Konstitusyon nga nagdumili sa negosyo ug financial interests sa Presidente, Bise Presidente ug mga miyembro sa Gabinete.
Samtang sa pagpangutana ni Senate President ug Senator-Judge Sherwin Gatchalian, gipatin-aw ni SEC Director Atty. Gerardo Del Rosario nga ang Article VII, Section 13 sa 1987 Constitution nagdumili sa Presidente ug Bise Presidente sa pag-apil o pagpakiglambigit sa bisan unsang negosyo samtang anaa sa pwesto.