Giila ang Malaybalay City Fire Station isip Top 4 nga city fire station sa tibuok Pilipinas ug numero uno sa rehiyon 10.
Gipadayag ni Fire Chief Insp. Lloyd Villaroya sa Malaybalay City nga ang maong pagpasidungog resulta sa ilang paningkamot sa pagpakunhod sa mga insidente sa sunog ug pagpalig-on sa serbisyo sa katawhan.
Lakip sa ilang giila nga nakatampo sa maong kalampusan ang 42 ka personnel sa estasyon ug ang padayon nga suporta sa lokal nga kagamhanan ug media.
Matud ni Villaroya, dili lamang ang mga personnel sa Fire Station ang nakatampo sa maong kalampusan, kondili lakip usab ang suporta sa lokal nga panggobyerno ug mga kauban sa media sa pagpalapad sa impormasyon bahin sa fire prevention.
Gipasalamatan usab niya ang ilang 42 ka personnel tungod sa ilang paningkamot ug dedikasyon sa pagpatuman sa mga buluhaton sa kabomberohan.
Samtang, padayon usab ang ilang pagpangandam sa hulga sa El Niño, ilabina sa posibleng pagkulang sa suplay sa tubig, diin nakigkoordinar sila sa CENRO ug mga forest ranger ug adunay gitipig nga water tanks isip reserba alang sa operasyon.