Gipatin-aw ni Atty. Oscar S. Moreno, nga sa konteksto sa impeachment proceedings batok kang Vice President Sara Duterte, lahi ang proseso sa Senado kung itandi sa korte kalabot sa bank secrecy ug pagkuha sa financial records.
Sumala ni Moreno, kung ang kaso mosaka na sa Senado isip impeachment court, dili na kinahanglan og court order aron maablihan ang mga bank records.
Ang Senado mismo ang mo-isyu na og subpoena aron makuha ang mga dokumento nga may kalabotan sa kaso.
Gipasiugda niini nga sa kasamtangang yugto sa Kamara, mas komplikado pa ang proseso ug usahay nagkinahanglan pa og judicial intervention, apan sa Senado, mas diretso ug pormal pinaagi sa subpoena ang pagkuha sa ebidensya.
Gihisgutan usab ang epekto sa mga testimonya sama sa kay kanhi Senador Antonio Trillanes IV nga nakapahimog dugang kalihokan sa isyu ug naghatag og diskusyon sa posibleng kahimtang sa impeachment case.
Gipahinumdoman usab niini ang kasinatian sa miaging impeachment cases sa Pilipinas, diin ang pag-abli sa mga bank accounts ug mga dokumento nakahatag og dako nga implikasyon sa resulta sa kaso.