Hog industry, nagpasidaan sa gobyerno sa hulga sa pagbagsak sa industriya

Nagpasidaan ang mga grupo sa lokal nga industriya sa baboy sa posibleng pagkapukan sa sektor tungod sa ubos nga presyo sa buhing baboy ug pagsaka sa gasto sa produksyon.

Mikabat na lamang sa ₱90 hangtod ₱120 matag kilo ang farmgate price sa buhing baboy, samtang misaka ang presyo sa pakaon.

Tungod niini, mahimong mawad-an og hangtod ₱9,000 ang mga magbababoy sa matag baboy nga ilang gialimahan.

Gipangayo sa mga grupo ang pagbalik sa import tariff nga 40 porsiyento alang sa out-quota ug 30 porsiyento alang sa in-quota nga pag-angkat sa karne.

Gihangyo usab sa sektor ang temporaryong pagdili sa importasyon ug hingpit nga inspeksiyon sa mga pantalan.