Nisugyot og duha ka mga proposed law si Senador Ronald “Bato” Dela Rosa bisan pa og padayon nga wala mitambong sa Senado.
Base sa rekord sa Senado, ang una nga proposed law mao ang Proposed Senate Bill No. 2080 o Counter Foreign Interference Act, nga magpahamtang og silot batok sa pagpanghilabot sa mga langyaw sa nasud.
Gi-file kini niadtong Lunes sa pagbalik sa sesyon sa Senado human sa usa ka buwang recess.
Ang ikaduha mao ang Senate Bill No. 2079 o National Police Clearance System Act, nga nagtinguha nga palig-onon ang sistema sa pulisya pinaagi sa C nga rekord sa mga krimen, warrants of arrest, mga litrato, ug personal nga impormasyon sa mga wanted ug naaresto nga mga tawo.
Kahinumduman nga sukad Nobyembre sa miaging tuig, wala na magpakita sa publiko ug wala na mitambong sa sesyon si Sen Dela Rosa sa tunga sa isyu nga giingong nag-isyu ang International Criminal Court (ICC) og arrest warrant batok kaniya may kalabotan sa war on drugs.