60-anyos nga babaye gitigbas samtang natulog sa Maramag, Bukidnon

Gitigbas ang usa ka 60-anyos nga babaye samtang natulog kini sa iyang panimalay sa Purok 6, Barangay Danggawan, Maramag, Bukidnon taknang mga alas-12 sa tungang gabii.

Sumala sa imbestigasyon, tulo ra ka tawo ang naa sa sulod sa balay niadtong higayona, ang biktima, iyang anak, ug usa ka bata.

Gituohang samtang natulog sa laing lawak ang biktima, nakasulod ang wala pa mailhing suspetsado ug gihimo ang pag-atake nga wala dayon mabantayi.

Dali nga gidala sa ospital ang biktima human makaangkon og dako ug lawom nga samad sa agtang.

Padayon karon ang imbestigasyon sa Maramag Police Station aron mailhan ang suspetsado ug matino ang motibo sa maong insidente.