Curlee Discaya, nakabalik sa pagdetene sa Senado human sa operasyon sa abaga

Nakapauli na ang kontratistang si Curlee Discaya human siya gi-operahan sa iyang tuo nga abaga.

Usa ka semana human siya gidala sa ospital para sa operasyon, nibalik siya sa Senado base sa kumpirmasyon ni Senate Secretary Mark Llandro Mendoza.

Matud sa opisyal sa Senado, maayo na ang kahimtang ni Discaya ug gitugotan siya nga magpadayon sa iyang recovery samtang naa gihapon sa kustodiya sa Senado.

Kahinumduman nga si Discaya gidetin sa Senado sukad pa Septiyembre sa miaging tuig human siya gi-“cite in contempt” sa Senate Blue Ribbon Committee.