Gitugyan na sa National Bureau of Investigation (NBI) ngadto sa Department of the Interior and Local Government (DILG) ang pagtakda sa reward money o ganti alang sa bisan kinsa nga makatudlo sa dapit diin nagtago si Sen. Bato Dela Rosa.
Matud ni NBI Director Melvin Matibag nga sa kasamtangan, miangkon ang NBI nga padayon pa gihapon nilang gipangita ang senador nga giisip nga pugante, apan nagpasalig ang ahensya nga buhataon ang tanan aron madakpan kini sa mas dali nga panahon sikopon sa higayon nga makit-an kini.
Samtang gipasabot usab ni Matibag nga dad-on o itugyan sa National Bureau of Investigation (NBI) ngadto sa Department of Justice (DOJ) si Sen. Bato Dela Rosa sa higayon nga kini masikop. Sa pamahayag ni NBI Director Melvin Matibag, gipadayag niini nga itugyan na nila ngadto sa DOJ ang desisyon ug katungdanan kon dinalian ba nga ipadala ang senador ngadto sa International Criminal Court (ICC).