Gipadayag si House Prosecutor ug Bicol Saro Party-list Rep. Terry Ridon nga posibleng may kalambigitan sa umaabot nga impeachment trial batok kang Vice President Sara Duterte ang paglakip sa iyang pangalan ug sa ubang miyembro sa House Prosecution Panel sa alegasyon sa 18 ka nagpailang ex-Marines bahin sa flood control anomaly.
Matud ni Ridon, katingad-an nga wala man kini makita sa orihinal nga affidavit sa mga testigo.
Dugang pa ni Ridon nga klaro nga gatinguha sa pagpahuyang sa kredibilidad sa prosecution team sa dili pa magsugod ang impeachment trial.Â
Hugot usab niyang gipanghimakak ang akusasyon nga nakadawat siya og maleta nga puno og kwarta ug gihagit ang mga nag-akusar nga motestigo sa Senado aron pamatud-an ang ilang pamahayag.
Bisan pa sa kontrobersiya, mipadayon ang House Prosecution Panel sa ilang preparasyon alang sa impeachment proceedings, samtang gilauman usab sila nga si Acting Senate President Sherwin Gatchalian ang mangulo sa proseso sa Senate Impeachment Court human sa reorganization sa Senado. Â