Gitapos na sa House prosecution ang Article 1 sa impeachment trial ni Vice President Sara Duterte karong adlawa, human nilang mapresentar ang testimonya sa 10 ka saksi, duha ka stipulated testimonies ug mga dokumento kalabot sa giingong sayop nga paggamit sa confidential funds sa OVP ug DepEd.
Matud sa prosecution, igo na ang ilang napresentar nga ebidensya aron suportahan ang alegasyon sa Article 1.
Gamit ang chess metaphor, giingon ni Private prosecutor atty. Lorna Kapunan nga ang tanng mga testigo ug ebidensya nga ilang gipresentar nagtudlo lamang sa “queen,” diin iyang gihulagway kini isip si Vice President Sara Duterte.
Apan gisupak sa depensa ang plano sa prosecution nga ipatawag si VP Sara, tungod sa giingong constitutional right batok sa pagpugos sa pagtestigo batok sa kaugalingon.
Gitubag kini ni House lead prosecutor Rep. Gerville Luistro nga premature pa ang pagsupak sa depensa tungod kay wala pay pormal nga gihangyo nga subpoena ang prosecution alang kang VP Sara.
amtang, gipadayag usab sa prosecution nga gamiton ang trial schedule alang sa marking of evidence sa mga bank records ug dokumento sa Article 2, diin nangayo usab ang depensa og 15 ka adlaw aron masusi ang mga dokumento sa AMLC ug uban pang ebidensya.