Gipahayag sa Philippine Coast Guard kon (PCG) nga sa pagkakaron, dili pa matandi ang presensya sa mga barko sa China Coast Guard (CCG) sa West Philippine Sea (WPS) sa kasamtangang tensyon tali sa Taiwan.
Matud sa PCG, padayon ang ilang monitoring sa kalihokan sa mga barko sa WPS apan wala pa’y klarong ebidensya nga konektado kini sa isyu sa Taiwan.
Gisiguro usab sa maong ahensya nga magpadayon ang ilang presensya ug pagbantay sa kadagatan aron masiguro ang seguridad sa teritoryo sa Pilipinas.
Gipaambit usab sa tigpamaba sa Philippine Coast Guard sa West Philippine Sea nga si Commodore Jay Tarriela ang usa ka video nga nagpakita sa panagbangga sa barko sa China tali sa usa ka Chinese People’s Liberation Army–Navy (PLA-Navy) warship ug sa usa ka barko sa China Coast Guard (CCG) nga nagsunod-sunod ug nisulay pagpangharass sa BRP Suluan nga sakop sa Pilipinas.
Sumala ni Tarriela, ang PCG mitanyag dayon og suporta human sa insidente, lakip na ang man-overboard recovery, medikal nga tabang, ug iba pang assistant alang sa mga tripulante sa CCG nga naangol sa panagbangga.
Sa laing bahin, gikalipay ni Atin Ito coalition co-convenor ug Akbayan President Rafaela David ang maong insidente, diin iyang giingon nga “DASURV” o (deserve) kini sa mga barko sa China nga naningkamot nga kuhaon ang teritoryo sa Pilipinas.
Matud pa ni David, ang panagbangga simbolo nga walay luna ang mga nanghasi sa kadagatan sa Pilipinas ug gilarawan niya kini isip usa ka porma sa “karma” o gaba.
Gikuwestiyon usab niini ang kalihukan sa China nga nagbutang sa peligrio sa kinabuhi sa ilang kaugalingong mga personahe.
Sa susamang higayon, misalmot si David sa pagpasidungog ug pagsaludo sa mga miyembro sa Philippine Coast Guard nga padayon nga nagpanalipod sa katungod sa nasud sa West Philippine Sea.