Gipahibalo ni Presidente Ferdinand Marcos Jr. karong adlawa nga Biyernes, Marso 27, 2026, nga ang Pilipinas adunay igo nga suplay sa krudo nga molungtad hangtod Hunyo 30, 2026.
Kini base sa pinakabag-ong pamahayag sa Presidente nga naghatag og kasigurohan sa publiko taliwala sa nagpadayon nga kabalaka sa global nga merkado sa lana, hilabi na tungod sa tensyon sa pipila ka oil-producing regions.
Matud sa Presidente, ang kasamtangang imbentaryo sa nasud suportado sa padayon nga pag-abot sa mga shipment sa krudo, hinungdan nga wala gilauman ang kakulang sa suplay sa umaabot nga mga bulan.
Gipasabot usab niini, nga ang gobyerno nagpadayon sa hugot nga pagmonitor sa kahimtang sa kalibutanong merkado aron malikayan ang posibleng krisis sa enerhiya.
Dugang pa ni Presidente Marcos Jr., aktibong nakig-alayon ang administrasyon sa nagkalain-laing international oil suppliers aron mamentinar ang lig-on nga imbentaryo sa lana, samtang gipalig-on usab ang contingency measures aron matubag ang posibleng pagsaka sa presyo ug ubang epekto sa global oil situation.