Pranses nga peacekeeper, patay sa pag-atake sa Lebanon

Patay ang usa ka Pranses nga peacekeeper samtang tulo ka uban pa ang naangol human sa usa ka pag-atake sa habagatang bahin sa Lebanon.

Ang mga biktima nagsilbi ubos sa United Nations Interim Force in Lebanon (UNIFIL) sa dihang nahitabo ang insidente, diin duha sa mga samdan ang anaa karon sa seryosong kahimtang.

Gumikan niini, direktang gitudlo ni French President Emmanuel Macron ang grupong Hezbollah nga maoy utok sa maong pag-atake.

Dungan niini, hugot nga nanawagan si Macron sa gobyerno sa Lebanon nga pangitaon ug sikopon dayon ang mga responsable sa maong krimen.

Kini nga bayolenteng panghitabo mitumaw taliwala sa gikasabutang 10-ka-adlaw nga ceasefire taliwala sa Lebanon ug Israel nga nagsugod niadtong Abril 16.