Misaka sa World No. 20 sa Women’s Tennis Association o WTA rankings si Pinay tennis star Alex Eala human nasakmit ang iyang unang WTA 500 title sa Mubadala DC Open sa Washington, D.C., USA.
Nasiguro ni Eala ang pagsulod sa Top 20 human mapildi ang world No. 3 nga si Jessica Pegula sa Estados Unidos sa final pinaagi sa iskor nga 4-6, 6-4, ug 6-0.
Sa iyang kampanya sa torneyo, napildi usab ni Eala ang kanhi world No. 1 nga si Naomi Osaka sa Japan ug si Elina Svitolina sa Ukraine sa wala pa kini nakaabot sa final.
Gidawat usab ni Eala ang iyang unang WTA championship trophy atol sa awarding ceremony, nga maoy labing dakong titulo sa iyang propesyonal nga karera hangtod karon ug isip labing unang Pipino Title holder sa WTA.
Ang pagsulod ni Eala sa World No. 20 maoy labing taas nga ranking nga nahimo sa usa ka Pilipinong tennis player sa maong torneyo.