Pick-up ug bus, nagbangga sa Sayre Highway sa Kitaotao

Nagbangga ang usa ka pick-up ug bus sa Sayre Highway, Purok 2, Poblacion, Kitaotao, Bukidnon, nga miresulta sa pagkadaot sa duha ka sakyanan.

Base sa imbestigasyon sa kapulisan, padulong sa Dangcagan ang pick-up nga gimaneho sa 34-anyos nga lalaki, samtang paingon sa Kitaotao ang bus nga gimaneho sa 41-anyos nga drayber.

Pag-abot sa New Kitaotao Bus Terminal, misulay og liko ang bus aron mosulod sa terminal apan nasakop niini ang lane sa pick-up, hinungdan sa pagbangga.

Narekober sa kapulisan ang duha ka sakyanan ug gidala ang mga drayber sa Kitaotao Municipal Police Station alang sa hustong disposisyon.

Narekord usab nga walay maipakitang lisensya ang drayber sa pick-up, samtang adunay professional driver’s license ang drayber sa bus.