27-anyos nga mekaniko, nadakpan sa kasong pagpangawat sa Valencia

Nadakpan sa kapulisan ang usa ka 27-anyos nga lalaki nga giatubang ang kasong pagpangawat atol sa operasyon sa Purok 2, Barangay Colonia, Valencia City, Bukidnon, pasado alas 9:40 sa gabii niadtong milabayng adlaw.

Giila ang dinakpan nga si Lunel Gordo Gonzaga, mekaniko ug residente sa maong lugar.

Gipatuman sa kapulisan ang warrant of arrest nga giisyu niadtong Oktubre 27, 2026, alang sa kasong theft nga adunay gitakdang piyansa nga 10 mil pesos.

Gibutang na sa kustodiya sa Valencia City Police Station ang dinakpan alang sa dokumentasyon ug hustong disposisyon.