Paggamit sa 20% development fund sa Bukidnon, gipasusi

Gipasusi sa Sangguniang Panlalawigan sa Bukidnon ang paggamit sa 20-percent development fund atol sa committee hearing alang sa Annual Investment Program o AIP sa 2027.

Gikuwestiyon sa mga opisyal ang porsiyento sa mga proyektong aktuwal nga nahuman matag tuig.

Mitubag ang mga opisyal nga kapin sa 90 porsiyento sa mga proyekto ang naagian na sa procurement process, apan wala pa nila ang kompletong datos sa aktuwal nga pagpatuman niini.

Gipasabot usab nga adunay mga proyekto nga nagpadayon pa ug gibalhin ang pagkompleto sa sunod nga tuig tungod sa proseso sa pagpatuman.

Gisugyot ang binulan nga pagmonitor ug pagreport sa kahimtang sa mga proyekto aron masiguro ang hustong paggamit sa pondo.