Gi-aprubahan ni Presidente Ferdinand R. Marcos Jr. ang 21 ka priority legislative measures sa ikatulong miting sa Legislative-Executive Development Advisory Council (LEDAC) sa Malacañang, nga tumong mapalambo ang kalidad sa kinabuhi sa mga Pilipino ug mapalig-on ang transparency ug accountability sa gobyerno.
Gipahayag ni Undersecretary Claire Castro nga kontento ang Pangulo sa lista sa mga panukalang balaod nga gilaumang mapasa sa Hunyo. Lakip sa prayoridad ang Anti-Political Dynasty Law, Anti-Fake News and Digital Disinformation Bill, Right to Information Act, Party-list System Reform Act, amyenda sa 4Ps, Rice Tariffication Law, EPIRA, Coconut Farmers Trust Fund Act, BARMM Election, Travel Tax Abolition, Waste-to-Energy Bill, Department of Resources, National Center for Geriatric Health, ug Estate Tax Amnesty. Gitumong sa mga balaod ang pagpalig-on sa social protection ug pagpauswag sa serbisyo publiko.
Matod pa ni Castro, andam ang gobyerno nga pun-an ang pondo sa General Appropriations Act kung maaprobahan ang Travel Tax Abolition aron masustentuhan ang mga apektadong programa.