Nasikop ang duha ka high-value drug suspect atol sa usa ka buy-bust operation sa Magsaysay, Misamis Oriental niadtong Hunyo 7, 2026.
Nakumpiska sa mga operatiba sa PNP Drug Enforcement Group ang kapin sa duha ka kilo sa gidudahang shabu nga adunay kantidad nga P13.6 million gikan sa mga suspek nga residente sa Ozamiz ug Dipolog City.
Gawas sa mga ilegal nga droga, nakuha usab sa mga otoridad ang gigamit nga buy-bust money, mga cellphone, ug usa ka sakyanan isip ebidensya.
Kasamtangang anaa na sa kustodiya sa PDEG-SOU 10 ang mga suspek samtang nag-atubang sila sa tukmang kasong kriminal.
Gipasalig sa Police Regional Office 10 nga magpadayon ang ilang agresibong kampanya batok sa ilegal nga droga aron masiguro ang kaluwasan sa tanang lumulupyo sa Northern Mindanao.