P100K nga reward, gitanyag alang sa makatultol sa nawalang hiker sa Mt. Kalatungan

Mitanyag og P100,000 nga reward ang opisina ni Malaybalay City Councilor Jason Chad Ayala alang sa bisan kinsa nga makahatag og kasaligan nga impormasyon nga makatultol sa pagpangita kang Alkharj Zamayla, ang hiker nga nawala sa Mt. Kalatungan sukad pa niadtong Hunyo 12.

Bisan pa og giundang na sa mga otoridad ug mga boluntaryo ang search and retrieval operation human sa duha ka semana nga pagpangita, naglaom gihapon ang pamilya ug mga kauban sa biktima nga adunay makahatag og bag-ong impormasyon.

Ang gitanyag nga reward tumong sa pagdasig sa publiko sa pagtabang aron matultolan ang nahimutangan sa nawalang hiker.