21-anyos nga lalaki, nasikop sa drug buy-bust operation sa Don Carlos, Bukidnon

Nasikop ang usa ka 21-anyos nga lalaki nga nailhan sa alyas nga “Rex” sa gipahiyaung drug buy-bust operation sa kapulisan sa Barangay Norte, Don Carlos, Bukidnon niadtong milabay’ng adlaw.

Sa operasyon, nakumpiska gikan sa suspek ang gituohang shabu nga may gibug-aton nga 1.50 gramos ug gibanabanaang kantidad nga P10,200.

Ang suspek gidala sa Don Carlos Municipal Police Station alang sa hustong dokumentasyon ug pagpasaka sa kasong paglapas sa R.A. 9165 o Comprehensive Dangerous Drugs Act of 2002, samtang ang mga nakumpiskang droga gipadala sa Bukidnon Provincial Forensic Unit alang sa laboratory examination.